'मार्केट डेप्थ' मा अड लट खरिद तथा बिक्री आदेश पनि देखिने

काठमाडौं : नयाँ आर्थिक वर्ष २०८१/८२ को पहिलो दिन बिहीबारदेखि सेयर बजारमा ‘अड लट’ कारोबार नेप्सेको मार्केट डेप्थमा देखिने भएको छ। नेपाल स्टक एक्सचेन्ज (नेप्से) ले लगानीकर्ताको माग अनुसार २०८१ साउन १ गतेदेखि आफ्नै वेबसाइटमा 'मार्केट डेप्थ' मा अड लट खरिद तथा बिक्री आदेश देखिने बनाएको हो।

पहिले अड लट अर्थात बोर्ड लटभन्दा कम सेयर किनबेच गर्दा त्यो अर्डर देखिँदैन भन्ने गुनासो थुप्रै लगानीकर्ताले गरिरहेका थिए। नेप्सेले सो गुनासो सम्बोधन गर्ने उद्देश्यले अब अड लट अर्डरहरू पनि सार्वजनिक रूपमा देखिने व्यवस्था मिलाएको जनाएको छ।

धितोपत्र कारोबार विनियमावली, २०७५ अनुसार अड लट भन्नाले बोर्ड लटभन्दा कम संख्यामा हुने कारोबारलाई जनाइन्छ। अंकित मूल्य १० रुपैयाँ भएका सेयरमा १०० कित्ता बराबर एक बोर्ड लट हुन्छ भने अंकित मूल्य १,००० रुपैयाँ भएका सेयरमा एक कित्ताले नै बोर्ड लट मानिन्छ। त्यसभन्दा कम संख्याका सेयरको कारोबारलाई अड लट भनिन्छ।

तर अड लट कारोबारलाई मूल्य परिवर्तन सीमा र बजार परिसूचक गणनामा समावेश गरिँदैन। तर लगानीकर्ताले अबदेखि सजिलैसँग अड लट अर्डर देख्न र राख्न सकिने भएको छ।

साउन १, २०८२ बिहीबार १५:२५:१२ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।