अर्थतन्त्र अपेक्षित गतिमा छैन, मौद्रिक नीतिले मात्र समाधान सम्भव छैन : गभर्नर पौडेल

काठमाडौं : नेपाल राष्ट्र बैंकका गभर्नर डा. विश्वनाथ पौडेलले देशको वर्तमान आर्थिक अवस्था चुनौतीपूर्ण रहेको बताएका छन्। उनले अर्थतन्त्रले अपेक्षित गतिमा प्रगति गर्न नसकेको बताउँदै, आर्थिक समस्याको समाधान केवल मौद्रिक नीतिबाट मात्र सम्भव नरहेको स्पष्ट पारे।

गभर्नर पौडेलका अनुसार मुलुकमा धेरै सम्भावना हुँदाहुँदै पनि तीलाई व्यवहारमा उतार्न नसकिएको कारण अर्थतन्त्र अघि बढ्न सकेको छैन। ‘कतिपय अवस्थामा राम्रो नीति ल्याउने प्रयास भए पनि दीगो विकासका लागि आवश्यक पूर्वाधारको कमीले समस्यामा पारेको छ,’ उनले भने।

उनले मोनेटरी नीतिसँगै भौतिक नीतिहरू पनि प्रभावकारी रूपमा लागू हुनुपर्नेमा जोड दिए। ‘सबै समस्या मौद्रिक नीतिले मात्र समाधान गर्न सकिँदैन, भौतिक नीति पनि ठोस रूपमा कार्यान्वयन हुन जरुरी छ,’ गभर्नर पौडेलले भने।

उनका अनुसार, मुलुकको दीर्घकालीन विकास, सामाजिक समावेशिता, र न्यायका पक्षलाई प्राथमिकतामा राखेर नीति निर्माण गर्न आवश्यक छ। ‘भौतिक नीतिले देखाएको दिशामा मौद्रिक नीतिले पनि तालमेल गरेर काम गरिरहेको हुन्छ,’ पौडेलले भने, ‘पछि गएर दुवै नीतिबीच समर्थन अभाव नहोस् भन्ने हेतुले सहकार्य अपरिहार्य हुन्छ।’ 

गभर्नर पौडेलले सामाजिक समावेशिता र समानतामूलक समाज निर्माण गर्ने सरकारको चाहना रहेको उल्लेख गर्दै, अहिलेको आर्थिक अवस्था त्यस दिशातर्फ अग्रसर छ कि छैन भन्ने मूल्यांकन भइरहेको जानकारीसमेत दिएका छन्।

असार २३, २०८२ सोमबार १९:३२:५६ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।