गाजामा इजरायली ड्रोन आक्रमणमा १८ प्यालेस्टिनीको मृत्यु
एजेन्सी : इजरायली ड्रोन आक्रमणमा कम्तीमा १८ प्यालेस्टिनीको मृत्यु भएको छ।
मध्य गाजाको देइर अल-बलाह क्षेत्रमा हमासको प्रहरी इकाईले बजार नियन्त्रण गर्ने प्रयास गरिरहेको बेला आक्रमण भएको थियो।
प्रत्यक्षदर्शीहरूका अनुसार ड्रोनहरूले सादा पोशाक र मास्क लगाएका हमास प्रहरी बलका सदस्यहरूलाई लक्षित गरेका थिए।
उनीहरू बजारमा पसलेहरूसँग कुरा गरिरहेका थिए। ट्रकबाट लुटिएका सामानहरू बेच्ने र बढी मूल्य लिने आरोप लगाइएको थियो।
हमास नियन्त्रित गृह मन्त्रालयले आक्रमणको निन्दा गर्दै इजरायलले ‘सार्वजनिक व्यवस्था कायम राख्ने’ प्रहरी युनिटमाथि आक्रमण गरेर अपराध गरेको बताएको छ।
बीबीसीले यसबारे इजरायली सेनासँग प्रतिक्रिया मागेको छ, तर अहिलेसम्म कुनै जवाफ आएको छैन।
असार १३, २०८२ शुक्रबार ०८:३०:५८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
