भारतको छत्तीसगढमा सुरक्षाकर्मी र नक्सलीबीच भिडन्त, दुई नक्सलीको मृत्यु

एजेन्सी : भारतको छत्तीसगढ राज्यको नारायणपुर जिल्लामा सुरक्षाकर्मी र सशस्त्र नक्सली समूहबीच दोहोरो भिडन्त हुँदा दुई जना नक्सली मारिएका छन्।

रायपुरबाट करिब २७१ किलोमिटर दक्षिणतर्फ पर्ने अभूजमाड जंगल क्षेत्रमा बिहीबार भएको भिडन्तमा प्रहरी र अन्य सुरक्षा निकायहरूको संयुक्त टोली परिचालन गरिएको थियो।

एक वरिष्ठ प्रहरी अधिकारीका अनुसार घटनास्थलबाट दुई नक्सलीको शव र दुईवटा बन्दुक बरामद गरिएको छ। “अहिले पनि खोज तथा सुरक्षात्मक अपरेशन जारी छ,” उनले भने।

उक्त अपरेशन गोप्य सूचनाका आधारमा सुरू गरिएको थियो, जसमा उक्त क्षेत्रमा नक्सलीहरूको गतिविधि देखिएको जानकारी प्राप्त भएको थियो।

असार १२, २०८२ बिहीबार २१:५४:३८ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए ukeraanews@gmail.com मा पठाउनु होला।