नवलपरासीमा सर्पको डसाइबाट महिलाको मृत्यु
मध्यविन्दु : नवलपरासी (बर्दघाट सुस्तापूर्व)को मध्यविन्दु नगरपालिका-६ भण्डारमा सर्पको डसाइबाट एक महिलाको मृत्यु भएको छ।
स्थानीय ४६ वर्षीया शान्ति डुम्रेलाई बुधबार राति सर्पले डसेपछि अस्पताल लगिएकामा उपचारको क्रममा मृत्यु भएको हो।
बुधबार राति ९ बजेको समयमा घरमा भाँडा माझ्ने क्रममा दाहिने खुट्टामा सर्पले डसेपछि उपचारको लागि कालीगण्डकी अस्पताल कावासोती लगिएकोमा गए राति नै मृत्यु भएको जिल्ला प्रहरी कार्यालय नवलपरासी (बर्दघाट सुस्तापूर्व)का प्रहरी उपरीक्षक यादव ढकालले बताए।
कुन सर्पले डसेको हो प्रजाति पहिचान नभएको उनको भनाइ छ। गर्मी मौसमसँगै जिल्लामा सर्पदंशका घटना बढ्न थालेका छन्।
असार १२, २०८२ बिहीबार १०:५३:२० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
