इरानमाथि आक्रमणको विरोधमा अमेरिकाको सडकमै ट्रम्पविरुद्ध प्रदर्शन

एजेन्सी : अमेरिकी राष्ट्रपति डोनाल्ड ट्रम्पले आइतबार आफ्नो सामाजिक सञ्जाल प्लेटफर्म ट्रुथ सोसलमा इरानका तीन आणविक स्थलहरूमा आक्रमणको घोषणा गरे।

यी आक्रमणहरूको पुष्टि गर्दै इरानका विदेशमन्त्री अब्बास अराघचीले अमेरिकालाई संयुक्त राष्ट्र संघको बडापत्र उल्लङ्घन गरेको आरोप लगाए।

यसबाहेक, अमेरिकामा डेमोक्र्याटिक पार्टीका धेरै नेताहरूले इरानको आणविक स्थलहरूमा अमेरिकी आक्रमणको निन्दा गरे।

यसैबीच, मुस्लिम र अरब देशहरूले इरानको आणविक स्थलहरूमा अमेरिकी आक्रमणको आलोचना गरे र यसलाई अन्तर्राष्ट्रिय कानूनको उल्लङ्घन भने।

ट्रम्पको यो निर्णयपछि विश्वका केही देशहरूमा अन्तर्राष्ट्रिय स्तरमा अमेरिका र ट्रम्पविरुद्ध विरोध प्रदर्शन सुरू भयो। अमेरिकाको लस एन्जलसमै उनीविरुद्ध प्रदर्शन भएका छन्।

भारतको कोलकातामा इरानमाथि भएको आक्रमणको लागि अमेरिका र इजरायलको निन्दा गर्दै विरोध र्याली निकाले। र्यालीमा प्रदर्शनकारीले ट्रम्प र इजरायली प्रधानमन्त्री बेन्जामिन नेतान्याहूको पुत्ला पनि जलाएका थिए।

दक्षिण कोरियामा पनि मानिसहरूले इरानमाथि अमेरिकी आक्रमणको विरोधमा अमेरिका र अमेरिकी राष्ट्रपति डोनाल्ड ट्रम्पविरुद्ध मार्च निकालेका थिए। पाकिस्तानको कराँचीमा पनि विरोध प्रदर्शन भयो।

असार ९, २०८२ सोमबार १२:३८:५२ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।