भेरी नदीमा बेपत्ता भएका तीन मध्य दुई जनाको शव फेला, एकको अवस्था अझै अज्ञात
सुर्खेत : जाजरकोटको नलगाड नगरपालिका-८ मा भेरी नदीमा पौडी खेल्ने क्रममा बेपत्ता भएका तीन जनामध्ये दुईको शव फेला परेको छ।
भेरी नदीको मन्मैमा पौडी खेल्ने क्रम्मा १५ वर्षीया भगवती नेपाली र १० वर्षीय महेश कुसारीको शव फेला परेको जाजरकोटका प्रहरी नायब उपरीक्षक वसन्त शर्माले बताए। १२ वर्षीया आशा कुसारी अझै बेपत्ता छन्।
बेपत्ताको खोजी जारी छ। आज दिउँसो २ बजे भेरीमा पौडी खेल्ने क्रममा उनीहरू भेरीमा बेपत्ता भएका हुन्। जाजरकोट तर्फको ६ ठाउँमा प्रहरी परिचालन गरेर बेपत्ताको खोजी भइरहेको जाजरकोटका डिएसपी शर्माले जानकारी दिए। आशा र महेश एकै घरका दिदी भाई हुन्।
जेठ २३, २०८२ शुक्रबार १८:४३:३८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
