बिहान ११ बजे देखि प्रतिनिधि सभाको बैठक बस्दै
काठमाडौं : संघीय संसद् अन्तर्गत प्रतिनिधि सभाको बैठक आज पनि बस्दैछ। बैठक बिहान ११ बजे सुरू हुने संसद् सचिवालयले जानकारी दिएको छ।
बैठकमा ‘नेपाल हवाई सेवा प्राधिकरण विधेयक, २०८१’ लाई दफावार छलफलका लागि सम्बन्धित समितिमा पठाइयोस् भन्ने’ प्रस्ताव पेस हुने कार्यसूची छ।
यस्तै, ‘नेपाल नागरिक उड्डयन प्राधिकरण विधेयक, २०८१’ लाई दफावार छलफलको लागि सम्बन्धित समितिमा पठाईयो भन्ने प्रस्ताव प्रस्तुत गरिनेछ।
शिक्षा, विज्ञान तथा प्रविधिमन्त्री रघुजी पन्तले ‘शिक्षा, स्वास्थ्य तथा सूचना प्रविधि समितिको प्रतिवेदन सहितको राष्ट्रिय सभामा उत्पत्ति भएको शहीद दशरथ चन्द स्वास्थ्य विज्ञान विश्वविद्यालय विधेयक, २०८०’ प्रस्ताव प्रस्तुत गर्नेछन्।
यस्तै, शहीद दशरथ चन्द स्वास्थ्य विज्ञान विश्वविद्यालय विधेयक, २०८१ लाई पारित गर्नको लागि प्रस्ताव प्रस्तुत गरिने कार्यसूची रहेको छ।
जेठ ४, २०८२ आइतबार ०८:३९:०७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
