गाजा 'कब्जा' गर्ने योजना इजरायलको सुरक्षा क्याबिनेटबाट स्वीकृत

एजेन्सी : इजरायलको सुरक्षा क्याबिनेटले हमास विरुद्धको सैन्य आक्रमण विस्तार गर्ने योजनालाई अनुमोदन गरेको छ।

एक इजरायली अधिकारीका अनुसार यसमा गाजा ‘कब्जा’ गर्नु पनि समावेश छ।

इजरायली प्रधानमन्त्री बेन्जामिन नेतान्याहूले मन्त्रिपरिषद्ले हमासलाई नष्ट गर्न र बाँकी रहेका बन्धकहरूलाई उद्धार गर्न ‘बलियो कारबाही’ सुरू गर्ने निर्णय गरेको बताए।

नेतान्याहूले गाजाको २१ लाख जनसंख्यालाई ‘सुरक्षाको लागि’ सारिने बताए।

मन्त्रिपरिषद्ले निजी कम्पनीहरू मार्फत सहयोग प्रदान गर्ने योजनालाई पनि सैद्धान्तिक स्वीकृति दिएको छ।

यसले गाजामा दुई महिनादेखि जारी नाकाबन्दीको अन्त्य गर्नेछ। संयुक्त राष्ट्रसंघले गाजामा खाद्यान्नको गम्भीर अभाव भएको बताएको छ।

वैशाख २३, २०८२ मंगलबार ०७:१४:०७ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।