प्रिशा शाहको मृत्युबारे भारतको मानव अधिकार आयोगको ध्यानाकर्षण, भन्यो- ‘हामी निहालिरहेका छौँ’

एजेन्सी : भुवनेश्वरको कलिङ्गा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयको होस्टेलभित्र नेपाली छात्रा प्रिशा शाह मृत फेला परेको घटनाबारे भारतको राष्ट्रिय मानव अधिकार आयोगले ध्यानाकर्षण भएको जनाएको छ।

आयोगका सदस्य प्रियांक कानुनगोले सामाजिक सञ्जाल प्लेटफर्म एक्सममा एक पोस्टमा घटनाबारे जानकारी आएको र यसबारेमा आयोगले घटनालाई निगरानी गरिरहेको छ।

‘हिजो, ओडिशाको केआईआईटी विश्वविद्यालयमा अर्की नेपाली छात्राले आत्महत्या गरिन्। गत महिना यस्तै घटनामा, आयोगले अनुसन्धान गरी आफ्ना सिफारिसहरू जारी गरेको थियो, जसले विद्यार्थीहरूको सुरक्षा सुनिश्चित गर्ने प्रक्रियागत त्रुटिहरूलाई औंल्याएको थियो’, प्रियांकले लेखेका छन्।

आयोगले यसअघि केआईआईटी विश्वविद्यालयमा नेपाली विद्यार्थी प्रकृति लम्सालको मृत्युसँग सम्बन्धित यस्तै घटनाको अनुसन्धान गरेको थियो, जसमा मृतक विद्यार्थीका सहकर्मीहरूलाई संस्थाका अधिकारीहरूले गरेको दुर्व्यवहारको आलोचना भएको थियो।

पहिलेको अनुसन्धानपछि, आयोगले विद्यार्थी सुरक्षा सम्बन्धी धेरै प्रक्रियागत त्रुटिहरू पत्ता लगाएको थियो र सम्बन्धित अधिकारीहरूलाई सिफारिसहरू जारी गरेको थियो।

यद्यपि, विश्वविद्यालयले राष्ट्रिय मानव अधिकार आयोगको सिफारिसलाई ओडिशा उच्च अदालतमा चुनौती दिएपछि अदालतले सिफारिस कार्यान्वयनमा रोक लगाएको थियो।

वैशाख १९, २०८२ शुक्रबार १४:००:५० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।