‘काईई अटो ग्लोबल कन्फरेन्स’मा लक्ष्मी ई-मोबिलिटी र जी.ओ. अटोमोबाइल्सलाई ‘मोस्ट प्रमिसिङ पार्टनर’ अवार्ड
काठमाडौं : चीनको यिबिन सहरमा सम्पन्न ‘काईई अटो ग्लोबल कन्फरेन्स २०२५’ मा नेपालका लागि काईई मोटर्सका आधिकारिक वितरक लक्ष्मी ई-मोबिलिटी प्रा.लि. र जी.ओ. अटोमोबाइल्स प्रा.लि.लाई संयुक्त रूपमा ‘मोस्ट प्रमिसिङ पार्टनर’ अवार्ड प्रदान गरिएको छ।
विश्वभरिका ५० क्षेत्रीय वितरकहरूबीच उत्कृष्ट प्रदर्शन गर्ने कम्पनीका रूपमा चिनिँदै, यस अवार्डले नेपालमा काईई ब्रान्डको सशक्त उपस्थिति र सम्भावनालाई पुष्टि गरेको छ।
कन्फरेन्स अन्तर्राष्ट्रिय सहकार्यको उत्सवका रूपमा सम्पन्न भएको थियो, जहाँ रणनीतिक छलफल, नेटवर्क विस्तार र विश्वव्यापी साझेदारीमा केन्द्रित कार्यक्रमहरू आयोजित भए।
लक्ष्मी ई-मोबिलिटी र जी.ओ. अटोमोबाइल्सले नेपाली बजारमा काईई गाडीहरू प्रस्तुत गर्ने र प्रवर्द्धन गर्ने क्रममा पुर्याएको योगदान, ग्राहक सन्तुष्टिमा देखाएको प्रतिबद्धता तथा उच्च सम्भावनाले यो प्रतिष्ठित मान्यता दिलाएको बताइएको छ।
उक्त सफलता पछि, कम्पनीले नेपाली ग्राहकको आवश्यकता र प्राथमिकताअनुसार डिजाइन गरिएका नयाँ मोडलहरू छिट्टै सार्वजनिक गर्ने तयारी गरिरहेको छ। ती गाडीहरूमा आधुनिक विशेषता, भरपर्दो प्रदर्शन र मूल्यअनुकूल प्रस्ताव समावेश हुने जनाइएको छ।
यस अवार्डमार्फत लक्ष्मी ई-मोबिलिटी र जी.ओ. अटोमोबाइल्सले नेपालभर नवप्रविधीय र भरपर्दो मोबिलिटी समाधान पुर्याउने प्रतिबद्धता दोहोर्याएका छन्।
वैशाख १७, २०८२ बुधबार १२:५६:५७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
