सांसद राईलाई पक्राउ गरिएको बारे प्रहरीले सभामुखलाई दियो जानकारी
काठमाडौं : सहकारी ठगी प्रकरणमा पक्राउ परेकी नेपाली कांग्रेसकी सांसद माया राईबारे प्रहरीले संसद्लाई जानकारी दिएको छ।
आइतबार नेपाल प्रहरीको अपराध अनुसन्धान तथा कारबाही शाखाले राईको पक्राउबारे प्रतिनिधिसभा सभामुख देवराज घिमिरेलाई पत्र लेखेर जानकारी गराएको हो।
स्वर्णलक्ष्मी बहुउद्देश्यीय सहकारी संस्था ठगी प्रकरणमा राईलाई अनुसन्धानका क्रममा पक्राउ गरिएको प्रहरीको पत्रमा उल्लेख गरिएको छ।
राईलाई हिरासतमा राखी थप अनुसन्धान भइरहेको पनि प्रहरीले सभामुखलाई जानकारी दिएको छ।
सांसद राई शनिबार बेलुका काठमाडौंको कपनबाट पक्राउ परेकी थिइन्।
वैशाख १४, २०८२ आइतबार ०८:४७:१० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
