कालीकोटमा ट्र्याक्टर दुर्घटना, चालकसहित चार जनाको मृत्यु
काँक्रेविहार : कालीकोटमा ट्र्याक्टर दुर्घटना चार जनाको मृत्यु भएको छ।
पलाँता गाउँपालिका-९ थिर्पुबाट पलाँता-४ छलतर्फ खाद्यान्न, खुद्रा सामान लिएर जाँदै गरेको नम्बर नखुलेको ट्र्याक्टर पलाँता-२ बुडाडाँडा नजिक गएराति दुर्घटनामा परेको जिल्ला प्रहरी कार्यालयले कालीकोटले जनाएको छ।
दुर्घटना मृत्युहुनेमा ट्र्याक्टर चालक मुगु, खत्याड गाउँपालिका-५ कवाका २५ वर्षीय चन्द्र प्रकाश रोकाय, कालीकोट, पलाँता गाउँपालिका-४ का २१ वर्षीय रवीन्द्र विक, सोही स्थानका ३२ वर्षीया सदु बुढा र पलाँता-५ सल्लीकोटकी २५/२६ वर्षीय अम्बा शाही छन्।
उनीहरूको घटनास्थलमै मृत्यु भएको कार्यालयका प्रमुख टेकबहादुर रावतले जानकारी दिए।
उनका अनुसार दुर्घटनाग्रस्त ट्र्याक्टर सडकभन्दा तल अप्ठेरो भिरमा अड्किएको छ। शवहरू भने सडकभन्दा करिब २०० मिटर तल भेटिएको थियो।
वैशाख ८, २०८२ सोमबार ११:०६:२५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
