अष्ट्रेलियाका तटीय क्षेत्रमा ठूला छालहरू उठ्दा पाँच जनाको मृत्यु
एजेन्सी : अष्ट्रेलियाका धेरै तटीय क्षेत्रहरूमा ठूला छालहरू उठ्दा पाँच जनाको मृत्यु भएको छ।
न्यु साउथ वेल्स र भिक्टोरिया राज्यको तटबाट अरू दुई जना बेपत्ता छन्।
शनिबार दक्षिणी न्यु साउथ वेल्सको ताथ्रा नजिकै पानीमा एक पुरुषको शव फेला परेको थियो।
एक दिन अघि, यहाँ छुट्टाछुट्टै घटनामा ५८ वर्षीय माझी र अन्य दुई जना मृत फेला परेका थिए।
यसैबीच, उद्धार टोलीहरूले सिड्नी नजिकै पानीले बगाएको एक व्यक्तिको खोजी गरिरहेका छन्।
शुक्रबार, भिक्टोरियाको सान रेमोमा केही मानिसहरू समुद्रमा बगेका थिए। ती मध्ये एक महिलाको डुबेर मृत्यु भएको छ भने अर्का एक पुरुष बेपत्ता छन्।
‘एउटी महिला किनारमा फर्कन सफल भइन्, तर अर्की महिला र पुरुष किनारमा पुग्न असमर्थ भए’, भिक्टोरिया राज्य प्रहरीले भन्यो।
वैशाख ७, २०८२ आइतबार ०७:२५:४६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
