२०८२ को पहिलो हप्ता सेयर बजारमा हरियाली

काठमाडौं : २०८२ को पहिलो हप्ता सेयर बजारमा हरियाली छाएको छ। यो हप्ता भएको तीन दिनको कारोबारमा तीनै दिनमा नेपाल स्टक एक्सचेञ्ज (नेप्से) परिसूचक बढ्यो। 

नेप्से परिसूचक साताको कारोबारको अन्तिम दिन बिहीबार पनि २६ दशमलव ४९ अङ्कले बढेको हो। यो सँगै नेप्से यो साता ६०.६४ प्रतिशतले बढेको छ। 

बिहीबार शून्य दशमलव ९८ प्रतिशतले बढेको परिसूचक दुई हजार ७२२ दशमलव ७३ को विन्दुमा कायम भएको छ। यस सँगै सेयरबजारका लगानीकर्तामा सकारात्मक प्रभाव परेको छ।

आज तीन सय ११ कम्पनीको दुई करोड ३७ लाख ७३ हजार ७३१ कित्ता सेयर ९० हजार ५५५ पटक खरिदबिक्री हुँदा रू १० अर्ब ७९ करोड ७३ लाख ६३ हजार २८२ दशमलव ३२ को कारोबार भएको नेप्सेले जनाएको छ।

साताको अन्तिम कारोबार दिन आज बजारसँगै कारोबार रकम पनि बढेको हो। आज एक सय ८७ कम्पनीको सेयर मूल्य बढ्दा ५९ कम्पनीको मूल्य घटेको छ। अघिल्लो दिन रू सात अर्ब २६ करोड ५१ लाख २२ हजार दुई सय ४१ बराबरको कारोबार भएको थियो। आज व्यापार शून्य दशमलव १५ प्रतिशतले घटेको छ भने अन्य सबै समूहका परिसूचक बढेका छन्।

आजको कारोबारमा नेपाल माइक्रो इन्सोरेन्स कम्पनीको सेयर मूल्यमा सकारात्मक सर्किट लागेको छ। आज एनआएसी एसिया डिवेन्चरको सेयर मूल्य सबैभन्दा बढी चार दशमलव ७९ प्रतिशतले घटेको छ।

वैशाख ४, २०८२ बिहीबार १६:३८:०९ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।