मोबिलिटी शो गर्दै एनएआईएमए, नेपालकै ठूलो हुने दाबी
काठमाडौं : नेपाल अटोमोबाइल इम्पोर्टर्स एन्ड म्यान्युफ्याक्चरर्स एसोसिएसनले मोबिलिटी शोको घोषणा गरेको छ। उसले यो नेपालको सबैभन्दा ठूलो शो हुने दाबी गरेको छ।
बुधवार काठमाडौँमा आयोजित एक कार्यक्रमकाबीच एसोसिएसनले ‘मोबिलिटी मार्फत सशक्तीकरण ग्रोथ’ भन्ने सन्देशका साथ मोबिलिटी शोको घोषणा गर्यो।
कार्यक्रममा युनाइटेड ट्रेडरर्स सिन्डिकेट प्रालिका अध्यक्ष रितु सिंह वैद्यले एनएआईएमएको उद्देश्य रणनीतिक वकालत, नवीनतामार्फत प्रगति ड्राइभिङमा केन्द्रित रहेको बताइन्।
संघले सरकारी निकाय, निजी क्षेत्र र नागरिक समाजसँग काम गर्दै परिवर्तनको उत्प्रेरक बन्ने लक्ष्य राखेको उनले दाबी गरिन्।
उनले प्रगतिशील नीतिहरूको वकालत गरेर नेपालको अटोमोटिभ परिदृश्यलाई सक्रिय रूपमा आकार दिने, शिक्षा र चेतनाको माध्यमबाट उपभोक्ताहरूलाई सशक्तीकरण गर्ने, सडक सुरक्षा र पूर्वाधार विकासलाई च्याम्पियन बनाउने लगायतको उद्देश्य पनि रहेको बताइन्।
वैशाख ३, २०८२ बुधबार १९:४७:०७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
