विमानस्थलमा युवकमाथि दुर्व्यवहार गर्ने प्रहरी छानबिनमा तानिए

काठमाडौं : त्रिभुवन अन्तर्राष्ट्रिय विमानस्थलमा एक युवामाथि भएको दुर्व्यवहारबारे छानबिन शुरू भएको छ। 

केही दिनअघि भएको उक्त घटनामा संलग्न तीन जना प्रहरीमाथि छानबिन थालिएको काठमाडौँ उपत्यका प्रहरी कार्यालय रानीपोखरीका प्रमुख, प्रहरी अतिरिक्त महानिरीक्षक टेकबहादुर तामाङले जानकारी दिए।

दुबईबाट काठमाडौँ आएका मोरङका सञ्जय ओझालाई गत चैत ३१ गते विमानस्थलमा तीन प्रहरीले समातेर दुर्व्यवहार गरेको भिडियो सामाजिक सञ्जालमा ‘भाइरल’ भएको थियो।

‘उक्त घटनामा देखिएका प्रहरीलाई विमानस्थलको जिम्मेवारीबाट हटाएर छानबिन थालेका छौँ, छानबिनपछि यकिन कुरा आउँछ’, तामाङले भने। 

ट्रली बाहिर ल्याएको विषयमा विमानस्थलकै कर्मचारीसँग विवाद भएको र त्यसपछि विवाद भएको जनाइएको छ। सामाजिक सञ्जालमा प्रहरीको व्यवहारको आलोचना भइरहेको छ।

उनी वैदेशिक रोजगारीबाट फर्कने क्रममा विमानस्थलमा भन्सार जाँच पासपछि उक्त घटना भएको थियो।

वैशाख ३, २०८२ बुधबार १९:२५:०२ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।