इजरायली पर्यटकलाई माल्दिभ्स प्रवेशमा प्रतिबन्ध
एजेन्सी : माल्दिभ्सले इजरायली पर्यटकलाई प्रवेशमा प्रतिबन्ध लगाएको छ।
मंगलबार यसबारे जानकारी दिँदै सरकारले प्यालेस्टिनी जनतासँग ऐक्यबद्धता देखाउन यो निर्णय गरिएको बताएको छ।
माल्दिभ्सको संसदले यसको लागि विधेयक पारित गरेको छ। यसलाई राष्ट्रपति मोहम्मद मुइज्जुले अनुमोदन गरेका छन्।
राष्ट्रपति कार्यालयका अनुसार यो प्रतिबन्ध तत्काल लागू भएको छ।
राष्ट्रपति कार्यालयले पनि इजरायलमाथि अत्याचार र नरसंहारको आरोप लगाउँदै एक विज्ञप्ति जारी गरेको छ। यद्यपि, इजरायलले ती आरोपहरूलाई अस्वीकार गरेको छ।
तथ्याङ्क अनुसार यस वर्ष फेब्रुअरीमा २.१४ लाख विदेशी पर्यटकले माल्दिभ्सको भ्रमण गरेका थिए। यीमध्ये केवल ५९ जना इजरायली थिए।
गत वर्ष, लगभग ११ इजरायली पर्यटकहरूले माल्दिभ्सको भ्रमण गरेका थिए, जुन कुल पर्यटक संख्याको ०.६ प्रतिशत मात्र हो।
वैशाख ३, २०८२ बुधबार ११:०७:१४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
