चीन-अमेरिका व्यापार युद्ध अब आकाशमा पनि : एयरलाइन्सहरूलाई बोइङ जेटको डेलिभरी नलिन चीनको निर्देशन

एजेन्सी : चीनले आफ्ना एयरलाइन्सहरूलाई अमेरिकी विमान निर्माता बोइङबाट नयाँ विमानहरूको डेलिभरी नलिन निर्देशन दिएको छ।

ब्लूमबर्गको रिपोर्ट अनुसार बेइजिङले अमेरिकामा बनेका विमानका पार्टपुर्जा र उपकरणहरू खरिदमा रोक लगाउन निर्देशन दिएको हो।

अमेरिकाको १४५ प्रतिशत करको जवाफमा चीनले यो निर्देशन दिएको हो। बोइङ एयरप्लेन्स एक अमेरिकी कम्पनी हो, जसले हवाईजहाज, रकेट, उपग्रह, दूरसञ्चार उपकरण र क्षेप्यास्त्रहरू उत्पादन गर्दछ।

यो कम्पनीको स्थापना जुलाई १५, १९१६ मा विलियम बोइङले गरेका थिए।

धेरै देशका एयरलाइन्सहरूले बोइङद्वारा निर्मित विमानहरू प्रयोग गर्छन्। बोइङ अमेरिकाको सबैभन्दा ठूलो निर्यातकर्ता कम्पनी हो र यो विश्वको तेस्रो ठूलो रक्षा सम्झौता गर्ने कम्पनी पनि हो।

अमेरिकासँग बढ्दो व्यापार युद्धका बीचमा यसअघि चीनले सात बहुमूल्य धातु (दुर्लभ पृथ्वीका सामग्री)को निर्यातमा पनि प्रतिबन्ध लगाएको थियो।

चीनले चिनियाँ बन्दरगाहहरूमा कार, ड्रोनदेखि रोबोट र मिसाइलसम्म सबै चीजहरू जम्मा गर्न आवश्यक पर्ने चुम्बकहरूको ढुवानीलाई पनि रोक लगाएको थियो।

यी सामग्रीहरू अटोमोबाइल, अर्धचालक र एयरोस्पेस व्यवसायहरूको लागि अत्यन्त महत्त्वपूर्ण छन्। यो निर्णयले विश्वभरका मोटर गाडी, विमान, अर्धचालक र हतियार उत्पादन गर्ने कम्पनीहरूलाई असर गर्नेछ।

अप्रिल ४ मा चीनले यी ७ बहुमूल्य धातुहरूको निर्यातमा प्रतिबन्ध लगाउने आदेश जारी गरेको थियो। आदेश अनुसार, यी बहुमूल्य धातुहरू र तिनीहरूबाट बनेका विशेष चुम्बकहरू विशेष अनुमति लिएर मात्र चीनबाट बाहिर पठाउन सकिन्छ।

वैशाख ३, २०८२ बुधबार ०७:५५:१८ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।