ट्रम्प प्रशासनद्वारा हार्वर्ड विश्वविद्यालयको आर्थिक सहायता रोक

एजेन्सी : ट्रम्प प्रशासनले हार्वर्ड विश्वविद्यालयलाई २ अर्ब डलरभन्दा बढीको संघीय कोष रोक लगाएको छ।

प्रतिष्ठित कलेजले ह्वाइट हाउसको मागहरूको सूची अस्वीकार गरेको थियो। यसपछि संघीय कोषमा रोक लगाइएको ट्रम्प प्रशासनले जनाएको छ।

‘हार्वर्डको भनाइले हाम्रो राष्ट्रका सबैभन्दा प्रतिष्ठित विश्वविद्यालय र कलेजहरूमा व्याप्त विचलित गर्ने अधिनायकवादी मानसिकतालाई प्रतिबिम्बित गर्दछ’, ट्रम्प प्रशासनको शिक्षा विभागले एक विज्ञप्तिमा भन्यो।

यसअघि, ह्वाइट हाउसले हार्वर्डलाई मागहरूको सूची पठाएको थियो।

विश्वविद्यालय क्याम्पसहरूमा यहूदी विरोधी भावना विरुद्ध लड्न यी मागहरू तयार पारिएको बताइएको छ। यी मागहरूमा विश्वविद्यालयको प्रशासन, भर्ना र नियुक्ति प्रक्रियामा परिवर्तन समावेश थियो।

हार्वर्डले सोमबार यी मागहरूलाई दृढतापूर्वक अस्वीकार गर्यो। विश्वविद्यालयले भन्यो कि ह्वाइट हाउसले ‘हाम्रो समुदायमाथि नियन्त्रण कायम गर्ने प्रयास गरिरहेको छ।’

वैशाख २, २०८२ मंगलबार ०९:३२:५३ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।