सलमान खानलाई फेरि धम्की, मुद्दा दायर

काठमाडौं : अभिनेता सलमान खानलाई प्राप्त भएको धम्की सम्बन्धमा वरली प्रहरी स्टेशनमा मुद्दा दर्ता गरिएको छ।

भारतीय सञ्चार माध्यमले मुम्बई प्रहरीलाई उद्धृत गर्दै आईपीसीको धारा ३५१(२)(३) अन्तर्गत मुद्दा दर्ता गरिएको जनाएको छ।  प्रहरीले थप अनुसन्धान गरिरहेको छ।

एक अज्ञात व्यक्तिले यातायात विभागको वरली कार्यालयको आधिकारिक नम्बरमा व्हाट्सएप मार्फत सन्देश पठाए, जसमा सलमान खानलाई मार्ने धम्की दिइएको थियो।

सलमान खानलाई गुण्डा लरेन्स बिश्नोई गिरोहबाट धेरै पटक धम्की आएको आरोप छ।

वैशाख १, २०८२ सोमबार १४:३२:४१ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।