इजरायली सेनाले गाजाको अस्पताल ध्वस्त बनाएको हमासको दाबी
एजेन्सी : हमासले इजरायली सेनाले गाजाका अस्पतालहरूमा आक्रमण गरेको दाबी गरेको छ। इजरायली आक्रमणमा गाजाको मुख्य चिकित्सा सुविधाको सघन हेरचाह र शल्यक्रिया विभागहरू ध्वस्त भएको उसको दाबी छ।
अनलाइन पोस्ट गरिएका भिडियोहरूमा क्षेप्यास्त्र आक्रमणपछि गाजा पट्टीको अल-अहली ब्याप्टिस्ट अस्पतालबाट ठूलो आगो र धुवाँ निस्किरहेको देखिएको छ।
भिडियोमा केही बिरामीहरू सहित धेरै मानिसहरू घटनास्थलबाट भागिरहेको देखिन्छ। हमासले यो आक्रमणलाई ‘भयानक अपराध’ भनेको छ।
एक स्थानीय पत्रकारले इजरायल रक्षा बल (आईडीएफ)ले एक डाक्टरलाई बोलाएर अस्पताल खाली गर्न चेतावनी दिएको बताए। नागरिक आपतकालीन सेवाका अनुसार आक्रमणमा कुनै हताहत भएको छैन।
अस्पतालबाट रिपोर्टिङ गरिरहेका एक स्थानीय पत्रकारले इजरायली सेनाका एक अधिकारीले आपतकालीन विभागका डाक्टरलाई बोलाएर तुरुन्तै अस्पताल खाली गर्न भनेको बताए
चैत ३१, २०८१ आइतबार १२:३८:५६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
