जागुवार ल्यान्ड रोभरले अमेरिकामा सवारी साधन नपठाउने

एजेन्सी : जागुवार ल्यान्ड रोभरले अमेरिकामा उत्पादन पठाउन रोकेको छ। अमेरिकाले लगाएको नयाँ करका कारण उसले अस्थायी रूपमा अमेरिकामा उत्पादन पठाउन रोक लगाएको जानकारी दिएको छ।

यसै हप्ताको सुरुमा नयाँ कर नीति लागु भएको थियो। अमेरिकी राष्ट्रपति डोनाल्ड ट्रम्पले घोषणा गरेको विभिन्न कर नीतिमा कार आयातमा २५% महसुल समेत छ। यो बिहीबारदेखि लागू भएको हो।

युरोपेली सङ्घ पछि अमेरिका बेलायतको कार उद्योगको दोस्रो सबैभन्दा ठूलो निर्यात बजार हो।

जागुवार ल्यान्ड रोभरका प्रवक्ताले विज्ञप्तिमा भनेका छन्, अप्रिल महिनामा सामान पठाउन अस्थायी रोक लगाउने कदमहरू चालिरहेका छौँ।’

बेलायतबाट अन्य वस्तु भन्दा कारहरू बढी अमेरिकामा निर्यात गरिन्छ। सन् २०२४ को तेस्रो चौमासिकको अन्त्यसम्मको १२ महिनाको अवधिमा, बेलायत व्यापार विभागका अनुसार यो व्यापार ८.३ अरब पाउन्ड बराबरको थियो।

कारहरूमा प्रारम्भिक महसुल अप्रिल ३ देखि लागू भएको छ, र अटो पार्ट्समा आयात करहरू अर्को महिना लागू हुने छन्। अन्य सबै बेलायती आयातमा १०% को छुट्टै महसुल लगाइनेछ, र केही अन्य प्रमुख अर्थतन्त्रहरूमा उच्च दरहरू लागू हुनेछन्।

चैत २३, २०८१ शनिबार २२:१५:२० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।