आईपीएल २०२५: चेन्नेई सुपरकिङ्गसको तेस्रो हारका तीन कारण

एजेन्सी: आईपीएल २०२५ को १७औँ खेलमा दिल्ली क्यापिटल्स (डिसी) ले चेन्नेई सुपरकिङ्गस (सीएसके) लाई २५ रनले पराजित गर्यो। यो सिजनमा चेन्नेईको यो लगातार तेस्रो हार हो र दिल्ली क्यापिटल्सको लगातार तेस्रो जित हो।

चेन्नेई आफ्नो घरेलु मैदान चेपक स्टेडियममा यो सिजनमा दोस्रो पटक पराजित भयो। टिमको हारका धेरै कारणहरू देखियो प्रमुख यी तीन कारणले तेस्रो खेल गुमायो चेन्नेइले।

चेन्नेईको निराशाजनक बलिङ

शनिवारको खेलमा दिल्लीका कप्तान अक्षर पटेलले टस जितेर पहिले ब्याटिङ गर्ने निर्णय गरे। टिमले अनफिट डु प्लेसीको स्थानमा फ्रेजर म्याकगर्कलाई समावेश गरेको थियो। खलील अहमदले फ्रेजरलाई पहिलो ओभरमै शून्य रनमा आउट गरे।

तर चेन्नेईका बलरहरू यो सफलताको फाइदा उठाउन सकेनन्। राहुलले सम्हाली राखे र उनले आफ्नो ७७ रन बनाउँदा ३ महत्त्वपूर्ण साझेदारी गरे।

खलील अहमद बाहेक कुनै अन्य बलर प्रभावशाली हुन सकेनन्। खलीलले ४ ओभरमा २५ रन दिएर २ विकेट लिए। सबैभन्दा बढी निराश मुकेश चौधरीले गराए, जसले ४ ओभरमा ५० रन खर्चिए।

यस सिजनको पहिलो खेलमा चेन्नेईका लागि चार विकेट लिएका नूर अहमदले ३ ओभरमा ३६ रन दिएर एक विकेट लिए। मतिशा पथिरानाले पनि ४ ओभरमा ३१ रन खर्चिए। यसकारण दिल्लीले स्कोरबोर्डमा राम्रो कुल रन जम्मा गर्न सफल भयो।

पावरप्लेमा चेन्नेईको कमजोर

सीएसकेलाई आफ्नो घरेलु मैदानमा १८४ रनको लक्ष्य मिलेको थियो। तथ्याङ्क अनुसार २०१९ पछि चेन्नेईले आइपिएलमा १८० रन माथिको स्कोर कहिल्यै चेज गरेको छैन। रचिन रवीन्द्र दोस्रो ओभरको अन्तिम बलमा ३ रन बनाएर आउट भए। पहिलो ओभरमै रचिनको विकेट गुमाएपछि चेन्नेई दबाबमा आयो।

डेभन कन्वे १४ बलमा एक चौकाको मद्दतले १३ रन बनाएर आउट भए। अघिल्लो खेलमा ब्याटिङका क्रममा चोटग्रस्त भएका कप्तान ऋतुराज ४ बलमा ५ रन बनाएर मिचेल स्टार्कको बलमा आउट भए।

पावरप्लेमा सीएसकेले मात्र ४६ रन बनायो र तीन ब्याट्सम्यान प्याभेलियन फर्के। तथ्याङ्क अनुसार यस सिजनमा सीएसकेको पावरप्लेको दौरान ७.४ को रनरेट छ, जसले टिमलाई रनरेटको मामलामा अन्तिम स्थानमा राखेको छ।

धोनी र शंकरको सुस्स्त साझेदारी

सीएसकेको ७४ रनमा पाँच विकेट गएपछि महेन्द्र सिंह धोनी क्रिजमा आए। त्यस बेला टिमलाई ५६ बलमा ११० रन चाहिएको थियो। त्यस समय विजय शंकर २३ बलमा २४ रन बनाएर खेलिरहेका थिए। तर अर्को ४.२ ओभरमा दुवैले जम्मा ३२ रन मात्र बनाए।

विजय शंकरले १७औँ ओभरमा ४३ बलको सामना गर्दै आफ्नो अर्धशतक पूरा गरे, जुन यस सिजनको सबैभन्दा ढिलो बनेको अर्धशतक थियो। धोनीले १९ बल खेलेपछि मात्र आफ्नो पहिलो बाउन्ड्री लगाए। एमएसडीले २६ बलमा ३० रन बनाए। त्यसैगरी, विजय शंकरले ५४ बल खेलेर ६९ रन बनाए।

दुवै बिच ८४ रनको साझेदारी भए पनि यसका लागि उनीहरूले ५६ बल खेले। यस कारण चेन्नेईको टिम लक्ष्यको नजिक पनि पुग्न सकेन। दिल्लीले यसरी २००९ पछि पहिलो पटक टूर्नामेन्टमा सुरुवाती लगातार तीन खेल जितेको छ।

चैत २३, २०८१ शनिबार २२:०३:४६ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।