‘सहकालका देवता’ को रथयात्रा सुरु
काठमाडौँ : शनिवारबाट सहकालका देउता मानिने सेतो मच्छिन्द्रनाथको रथ यात्रा सुरु भयो। काठमाडौँको दरबारमार्ग तीनधार पाठशाला अगाडि रथ निर्माण गरेर घण्टाघर, रत्नपार्क ,भोटाहिटी हुँदै असनसम्म पुर्यायो।
सेतो मच्छिन्द्रनाथलाई वर्षा र सहकालका देवता मानिन्छ। सेतो मछिन्द्रनाथको दर्शनबाट सुख, सुस्वास्थ्य, दीर्घायु हुने जनविश्वास रहेको छ।
पहिलो दिन असनमा रहने रथ दोस्रो दिन असनबाट हनुमानढोकास्थित कालभैरवसम्म पुर्याइन्छ। तेस्रो दिन कालभैरवबाट लगनटोलसम्म पुर्याइन्छ। चौथो दिन लगनमा रथ घुमाएर पाँचौँ दिन मूर्तिलाई सानो रथमा राखी लगनटोलबाट मच्छेन्द्रबहालसम्म लगिन्छ।
चैत २३, २०८१ शनिबार २१:४७:४३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
