तालबेसी फाँटको अनौठो रुखको ठुटो हेर्नेको भिड, निरन्तर झरिरहेछ पानीको धारा

पोखरा : गण्डकी कास्कीको रुपा गाउँपालिका–६ तालबेसी फाँटमा करिब तीन मिटर उचाइमा रहेको एउटा रूखको ठुटोबाट निरन्तर पानी झर्न थालेपछि हेर्न आउनेहरूको भिड लागेको छ। फागुन १४ शिवरात्रिको दिनदेखि रुखको ढुटाबाट निरन्तर धारा जसरी पानी झरिरहेको छ।

रुपातालको बाँध निर्माण गरी तालको क्षेत्रफललाई विस्तारका लागि माटो निकाल्ने क्रममा अचानक डोजरको वकेट अड्किएकोपछि रुखको ठुटो निस्किएको थियो। चैत १९ मा त्यहाँ रुद्री पूजासहित विभिन्न क्षेत्रका धामी झाँक्री राखिएको थियो।

पछिल्लो समय दैनिक सात सयदेखि एक हजारसम्म त्यहाँ पुग्ने गरेका छन्।  अहिले रुपा गाउँपालिका र पोखरा–३१ ले ठुटोलाई तारवारले घरेका छन्।

विभिन्न क्षेत्रका १५ जना भूगर्भविद् र संस्कृतिविज्ञ आएर स्थलगत अध्ययन गरेका थिए। तर कारण खुलेन। उनीहरूले रूख लगभग दुई सय वर्ष पुरानो जामुनको भएको अनुमान गरेको रुपा गाउँपालिकाका अध्यक्ष नवराज ओझाले बताए।

चैत २३, २०८१ शनिबार २१:३१:०३ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।