बाबुराम भन्छन् 'राजा आउँछन् भनेर भ्रममा नपरौँ'

काठमाडौं : पूर्व प्रधानमन्त्री डा.बाबुराम भट्टराईले अहिले देशमा राजतन्त्र ल्याउने ठाउँ नभएको बताए। 

शनिवार नेपाल समाजवादी पार्टी (नयाँ शक्ति)ले आयोजना गरेको अन्तरक्रिया कार्यक्रममा बोल्दै भट्टराईले राष्ट्रपति प्रणालीगत र शासकीय सुधार, निर्वाचन प्रणालीमा सुधारहरू गर्न  सकिने तर राजा आउने कुरा भ्रम भएको बताए।

‘राजतन्त्र ल्याउने ठाउँ नै छैन। धेरै जनाले नबुझी राजतन्त्र आउँछ भन्छन् तर त्यो  सम्भव छैन। राष्ट्रपति प्रणालीगत र शासकीय सुधार, निर्वाचन प्रणालीमा सुधारलगायत क्षेत्रमा काम गर्न सकिन्छ। त्यसैले राजा आउँछ भनेर भ्रममा नपरौँ’ उनले भने।

उनले अहिलेको सापेक्षतालाई हेर्ने हो भने प्रत्यक्ष निर्वाचित कार्यकारी प्रमुखमै  जानु उपयुक्त हुने बताए। उनले एउटा कसैले चाहँदैमा राजा नआउने र राजा ल्याउनको लागि हरेका दलभित्र बहस हुनुपर्ने बताए।

उनले भने,‘विभिन्न दल मिलेर संविधान बनाएको हो। त्यसैले राजा आउने र ल्याउने कुरामा बहस दलभित्रै हुनुपर्छ। दल भनेको त हतियार वा साधन हो नि। धर्म त परिवर्तन हुन्छ भने पार्टी परिवर्तन नहुने हो र?’

चैत २३, २०८१ शनिबार २०:०३:३२ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।