युवा हैन उत्पादन पठाएर विदेशी मुद्रा ल्याउनु पर्छ : गगन थापा

काठमाडौं : नेपाली कांग्रेसको महामन्त्री गगन थापाले नेपालमा आइसीटीको सम्भावना भन्दा बढी आवश्यकता रहेको बताए।

शनिवार एनसेल बाह्रखरी गल्फको आठौँ संस्करणको कार्यक्रममा बोल्दै उनले आइसीटीको आवश्यकता महसुस गरेर काम गर्नुपर्ने बताए। 

उनले भने,‘नेपालमा आइसीटीको प्रचुर सम्भावना छ। सम्भावना जति छ त्यो भन्दा बढी आवश्यकता छ। यो आवश्यकतालाई महसुस गरेनौ र समयमा जोड्न सकेनौ भने वा दुईचार वर्षपछि गर्छौ भन्यौ भने पछि पर्नेछौँ। रेल छुटिसक्छ। अहिले नै गर्नुपर्नेछ । आजै हामीले काम गर्नुपर्नेछ।’

उनले नेपालको अर्थतन्त्रलाई बलियो बनाउन युवा भन्दा उत्पादन बाहिर पठाएर विदेशी मुद्रा ल्याउनुपर्ने बताए।

नेपालको इकोनोमीमा ठूलो धक्का चाहिएको भन्दै युवाहरू भन्दा पनि उत्पादन बाहिर बेचेर विदेशी मुद्रा ल्याउनु पर्ने बताए। 

'ग्रोथ मात्र होइन जब पनि चाहिएको छ । यी सबै कुराको लागि फिट हुने सेक्टर भनेको आइसिटी नै हो’ उनले भने।

आइटी क्षेत्रको सम्भावनालाई महसुस गरेर सरकारले पनि २०२४ देखि २०३४ सम्मको लागि एउटा दशकको रूपमा मनाउने घोषणा गरेको जानकारी दिए।

चैत २३, २०८१ शनिबार १९:४९:५० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।