सुनसरीमा अपहरणमा परेको चार वर्षीया बालिकाको कोशी ब्यारेजबाट सकुशल उद्धार, एक जना पक्राउ

सुनसरी : सुनसरीको कोशी गाउँपालिका-७ मुसहरी टोलका कुशेश्वर सदाकी चार वर्षीया छोरीको अपहरण भएको २४ घण्टाभित्रै सकुशल उद्धार गरिएको छ।

अपहरणमा संलग्न रहेको आरोपमा प्रहरीले सप्तरी कन्चनरुप नगरपालिका-१२ धरमपुरका जितुवा भन्ने जितेन्द्र साह (हलुवाई) रहेका छन्।

चैत्र २० गते दिउँसो १:४५ बजे चार वर्षीया बालिकालाई अपरिचित व्यक्तिले सिटी सफारीमा चढाई अपहरण गरी लगेको उजुरीपछि प्रहरीले अनुसन्धान थालेको थियो।

खोज तलासको क्रममा चैत्र २१ गते कोशी ब्यारेजको २६ नम्बर ढोकाको पुल माथिबाट बालिकालाई सकुशल उद्दार गरी आफन्तलाई जिम्मा लगाएको प्रहरीले जनाएको छ।

पक्राउ परेका साहको जिल्ला प्रहरी कार्यालय सुनसरीबाट थप अनुसन्धान तथा आवश्यक कानुनी कारबाही भइरहेको कोशी प्रदेश प्रहरी कार्यालय विराटनगरले जानकारी दिएको छ।

चैत २२, २०८१ शुक्रबार १०:०१:३३ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।