अमेरिकामा एक भारतीय पुरुषलाई ३५ वर्षको जेल

एजेन्सी : अमेरिकामा एक ३१ वर्षीय भारतीय पुरुषलाई ३५ वर्षको जेल सजाय सुनाइएको छ। उनीमाथि धेरै नाबालिग केटीहरूलाई यौन दुर्व्यवहार गरेको आरोप छ।

साई कुमार कुरेमुला नामका यी व्यक्तिले सामाजिक सञ्जाल एपमा आफूलाई किशोरावस्थाको केटाको रूपमा परिचय दिएर यी बालबालिकाको विश्वास जित्थे। यदि केटीहरूले उसको प्रस्ताव अस्वीकार गरेमा उनीहरूलाई बाल पोर्नोग्राफीको धम्की दिन्थ्यो।

साई कुमार ओक्लाहोमाको एडमन्डमा आप्रवासी भिसामा बस्दै आएका थिए। तीन बालबालिकालाई यौन दुर्व्यवहार गरेको र बाल पोर्नोग्राफी राखेको आरोपमा उनलाई ४२० महिनाको जेल सजाय सुनाइएको थियो।

गत हप्ता मुद्दाको सुनुवाइपछि फैसला सुनाउँदै अमेरिकी जिल्ला न्यायाधीश चार्ल्स गुडविनले समाजले सबैभन्दा गम्भीर मानेको अपराध कुरेमुलाले गरेको बताए।

कुरेमुलाले आफ्ना पीडितहरूलाई दिएको आघात उनीहरू र उनीहरूका परिवारसँग जीवनभर रहने न्यायाधीश गुडविनले आफ्नो फैसलामा भनेका छन्।

चैत २२, २०८१ शुक्रबार ०८:०८:०६ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।