गण्डकी र कर्णाली प्रदेशका पहाडी भेगका एक-दुई स्थानमा हल्का वर्षाको सम्भावना
काठमाडौं : हाल देशमा पश्चिमी वायु तथा स्थानीय वायुको आंशिक प्रभाव रहेको छ।
जसकारण कोशी, मधेश, बागमती प्रदेश लगायत देशको पहाडी भू-भागमा आंशिक बदली रही बाँकी भू-भागमा आंशिक बदली देखि मौसम मूख्यतया सफा रहेको छ।
मौसम पूर्वानुमान महाशाखाका अनुसार आज गण्डकी र कर्णाली प्रदेशका पहाडी भू-भागका एक-दुई स्थानमा हल्का वर्षाको सम्भावना छ।
देशका उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना रहेको पनि महाशाखाले जनाएको छ।
देशका अधिकांश भू-भागहरूमा क्रमिक रूपमा तापक्रम बढ्दै गएको, वर्षाको सम्भावना कम रहेकाले सुख्खापन, आगलागी तथा वायू प्रदुषण बढ्दै जाने सम्भावना रहेकोले यसबाट बच्न महाशाखाले सबैलाई आग्रह गरेको छ।
चैत २२, २०८१ शुक्रबार ०७:५९:१२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
