शिक्षक आन्दोलनको माग सम्बोधन गरेर विधेयक ल्याउने गृहमन्त्रीको दाबी

काठमाडौं : गृहमन्त्री रमेश लेखकले शिक्षकहरूले उठाएको कुरा समावेश गरेर शिक्षा विधेयक अगाडि बढाउने बताए। शिक्षकहरूको विषयलाई छिटोभन्दा छिटो सम्बोधन गर्ने गरेर सरकार अगाडि बढ्ने उनले दाबी गरे।

बिहीबार आन्दोलित शिक्षकहरूको विषयमा भएको छलफलमा उनले कार्यवाहक प्रधानमन्त्रीको संयोजकत्वमा भएको बैठक सकारात्मक भएको दाबी गरे।

‘अहिले शिक्षक महासङ्घले आफ्ना विषयमा सरकारको ध्यानाकर्षण गर्न प्रदर्शनहरू गरिराख्नु भएको छ। अहिले कार्यवाहक प्रधानमन्त्रीको संयोजकत्वमा शिक्षकहरूका सरोकार, ध्यानाकर्षण गराउनु भएका विषयहरू र उहाँहरूले गर्नु भएको प्रदर्शनलगायतलाई मूल्याकंन गरेर शिक्षा विधेयकलाई छिटोभन्दा छिटो अगाडि बढाउन छलफल गरेका छौँ। छलफल सकारात्मक भएको छ’ उनले भने।

चैत २१, २०८१ बिहीबार २२:३४:०२ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।