गरिमा र सौगात अभिनीत ‘जन्ते बाख्रो’को गीतलाई एक घण्टामा ६ सय भ्युज

काठमाडौं : सौगात मल्ल र गरिमा शर्मा अभिनीत फिल्म जन्ते बाख्रो’को गीत बिहीबार दिउँसो युट्युबमा अपलोड भयो। ‘घामै राजा’ बोलको सो गीतले अपलोड भएको एक घण्टामा जम्मा ६ सय भ्युज पायो।

जी ट्वान्टी वान युट्युब च्यानलमार्फत अपलोड भएको गीतको भिडियोमा चल्तीकै कलाकारहरू छन्। यसमा टिकटक, म्युजिक भिडियो हुँदै फिल्म ‘लन्डन टु पेरिस’ मा अभिनय गरिसकेकी गरिमा शर्मा र सौगात मल्ल छन्।

सौगातको पछिल्लो फिल्म ‘बमबहादुर’ले हलमै दर्शक पाएन भने गरिमाले सहायक भूमिकामा अभिनय गरेको फिल्म ‘लन्डन टु पेरिस’, ‘ह्रस्व दीर्घ’ दुवै फ्लप भए।

‘जन्ते बाख्रो’ मा सहायक भूमिकाबाट मुख्य भूमिकामा प्रमोसन भयो उनको। तर दर्शक अटेन्सन भने प्रमोसन भएको देखिएन। यसको निर्देशक हुन् सिमोस सुनुवा

चैत २१, २०८१ बिहीबार १८:०१:५० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।