प्रशासकीय अधिकृतको कार्यकक्षको ढोका फुटाइयो, प्रहरी प्रमुखले भने, ‘कार्यालयले दिएको आदेश प्रहरीले पालना गर्छ’

काठमाडौं : काठमाडौं महानगरपालिकाका नगर प्रहरी प्रमुख राजु पाण्डेले कार्यालयले दिएको आदेश नगर प्रहरीले पालना गर्ने बताएका छन्।

कर्मचारीले प्रमुख प्रशासकीय अधिकृत सरोज गुरागाईंलाई कक्षको ढोका फुटाएपछि नगर प्रहरी प्रमुख पाण्डेले यस्तो बताएका हुन्।

तीन महिनादेखि आफूहरूले पनि तलब नपाएको भन्दै उनले तर पनि महानगरले दिएको जिम्मेवारीमा आफूहरू खटिरहेको उनले बताए।

‘चेन अफ कमान्ड भन्ने कुरा हुन्छ, हामी पनि महानगरकै कर्मचारी हौँ,’ उनले भने, ‘वडाध्यक्षहरू शान्त नै हुनुहुन्छ। केही कर्मचारीले प्रमुख प्रशासकीय अधिकृतको कार्यकक्ष प्रवेश गर्ने ढोका फोरेका छन्।’

नगर प्रहरीलाई सरोज गुरागाईंलाई कार्यालयमा हाजिरी गर्न नदिनु भन्ने आदेश भए पनि उनी कार्यालय परिसरभित्र भने प्रवेश गरिसकेका छन्। यद्यपि कार्यालयमा प्रवेश गर्न उनलाई नगर प्रहरी दिएको छैन।

अहिले उपप्रमुख र वडाध्यक्षहरूको भेला पनि जारी छ।

चैत २१, २०८१ बिहीबार १२:२०:१७ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।