झापामा ट्र्याक्टरबाट लडेर एक जनाको मृत्यु

झापामा ट्र्याक्टरबाट लडेर एक जनाको मृत्यु

काठमाडौं : झापाको झापा गाउँपालिकामा ट्याक्टरबाट लड्दा एक जनाको मृत्यु भएको छ।

झापा गाँउपालिका-३ स्थित भित्री सडकखण्डमा झाटीबाट कामाटोलीतर्फ आउँदै गरेको मे १ त ४१०७ नं को ट्याक्टरबाट बुधबार साँझ खसेर सोही स्थानका ६० वर्षीय रमेश हास्दाको मृत्यु भएको जिल्ला प्रहरी कार्यालय झापाका प्रवक्ता खगेन्द्रबहादुर खड्काले जानकारी दिए।

‘लिप्ट’ मागेर बसेका हास्दा अचानक बेहोस भएर ट्याक्टरबाट लडेर घाइते भएका थिए। प्रादेशिक अस्पताल भद्रपुरमासाँझ साढे ६ बजे उपचारको क्रममा मृत्यु भएको प्रवक्ता खड्काले बताए।

ट्याक्टर धनी एवं चालक झापा-३ का ४८ वर्षीय देवकुमार गणेशलाई नियन्त्रणमा लिएको जिल्ला प्रहरी कार्यालय झापाले जनाएको छ।

चैत २१, २०८१ बिहीबार ०८:३९:२५ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।