ट्रम्पद्वारा चार दक्षिण एसियाली देशसहित पारस्परिक कर लगाइएका सबै देशको सूची जारी

एजेन्सी : अमेरिकी राष्ट्रपति डोनाल्ड ट्रम्पले २ अप्रिलबाट पारस्पारिक कर लगाइएका सबै देशको सूची जारी गरेको छ।

यो सूची राष्ट्रपति डोनाल्ड ट्रम्पको कार्यालयले आफ्नो एक्स ह्यान्डलमा पोस्ट गरेको छ। यो सूचीमा भारतसहित पाकिस्तान, बंगलादेश र श्रीलंका ग री चार दक्षिण एसियाली मुलुक छन्।

अमेरिकाले भारतमाथि २६ प्रतिशत कर लगाउँदा पाकिस्तानमाथि २९ प्रतिशत, बंगलादेशमाथि ३७ प्रतिशत र श्रीलंकामाथि ४४ प्रतिश कर लगाएको छ।

यसका अलावा चीनमाथि २४ प्रतिशत र म्यानमारमाथि ४४ प्रतिशत कर लगाइएको छ। यसअघि अमेरिकाले ४ फेब्रुअरीमा चीनबाट आउने सामग्रीमा १० प्रतिशत कर लगाएको थियो। यसलाई बढाएर ४ मार्चमा २० प्रतिशत पुर्याइएको थियो।

त्यसैगरी अमेरिकाले क्यानडा र मेक्सिकोबाट आयात हुने सामग्रीमा ४ मार्चदेखि २५ प्रतिशत कर लगाएको थियो। यसका अलावा क्यानडाबाट ऊर्जा सम्बन्धी आयातमा १० प्रतिशत कर लगाएको छ।

चैत २१, २०८१ बिहीबार ०८:०६:४७ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।