रवीन्द्र र धवलसहित ४१ जनाको हिरासतको म्याद ६ दिन थपियो

काठमाडौँ : राजावादी आन्दोलनमा हिंसात्मक प्रदर्शन गरेको आरोपमा पक्राउ परेका ४१ जनालाई बुधवार काठमाडौं जिल्ला अदालतले थप ६ दिन हिरासतमा राख्न अनुमति दिएको छ। जिल्ला प्रहरी परिसर काठमाडौँको हिरासतमा रहेका उनीहरूलाई दोस्रो पटक म्याद थप्न बुधवार अदालतमा पेस गरिएको थियो।

पहिलो पटक आइतबार उनीहरूलाई ५ दिनको म्याद थप गरिएको थियो। जिल्ला अदालत काठमाडौँले उनीहरूलाई थप ६ दिन हिरासतमा राख्न दोस्रो पटक प्रहरीलाई अनुमति दियो।

पक्राउ परेका मिश्र र धवसहित ११ जनामाथि प्रहरीले राज्यविरुद्धको कसुरको आरोप लगाएको छ। अन्यमाथि आपराधिक उपद्रवको आरोप छ।

चैत १५ मा तीनकुनेमा भएको हिंसात्मक प्रदर्शनपछि उनीहरूलाई प्रहरीले पक्राउ गरेको थियो। प्रहरीले मंगलबार थप १८ जनालाई पक्राउ गरेको थियो। अर्का दुर्गा प्रसाईँ भने फरार छन्।

चैत २०, २०८१ बुधबार २०:०१:२० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।