तीनकुने घटनाबारे प्रहरी दाबी  ‘प्रहरी कार्यालयमा लैजाँदै गर्दा भिडले प्रसाईँलाई लग्यो’

काठमाडौँ : तीनकुनेमा विरोध प्रदर्शनकोक्रममा चैत १५ मा भएको हिंसात्मक घटनालाई नेपाल प्रहरीका प्रवक्ता दिनेश आचार्यले राजनीतिको नाममा आपराधिक गतिविधि भएको दाबी गरिरहे।

तीनकुने घटनामा प्रहरीको व्यवहार र सुरक्षा रणनीतिको तीव्र आलोचना भएपछि बुधवार प्रहरी प्रधान कार्यालयमा आयोजित पत्रकार सम्मेलनमा उनले  ‘यो राजनीतिक कार्यक्रम हो केही हुन्न भनेर अनुमति लिएको। तर जब त्यो ठाउँमा आइपुग्यो त्यसपछि हिंसात्मक गतिविधि बढेको बताए।

कार्यक्रम सुरु हुनुभन्दा धेरै अगाडि अन्य व्यक्तिहरूले प्रदर्शनकारीहरूलाई भड्काएको र शुक्रवार जे भयो त्यो कल्पनाभन्दा बाहिरको घटना भएको उनले बताए।

उनले कार्यक्रम आयोजकले सानो-सानो समूह बनाएर आपराधिक गतिविधि गरेको र  राजनीतिक भन्दा पनि आपराधिक घटनामा केन्द्रित देखिएको दाबी गरे।

उनले कार्यक्रममा दुर्गा प्रसाईँको गतिविधिबारे पनि जानकारी गराए। गाडी लगेर प्रहरी भएको ठाउँमा पेलेका प्रसाईँलाई प्रहरीले गाडीबाट निकालेर नियन्त्रणमा लिए पनि पछि नियन्त्रणमुक्त गरेको थियो।

डिआइजी आचार्यले भने प्रसाईँलाई नियन्त्रणमा लिएर प्रहरी कार्यालयमा ल्याउनेक्रममा भिडले लगेको दाबी गरे। अहिले उनको खोजी भइरहेको र चाँडै पक्राउ पर्ने आचार्यको दाबी थियो।

चैत २०, २०८१ बुधबार १९:३७:०४ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।