‘लुटपाट नियन्त्रणका लागि गोली चलाउँदा रेविका र दिनेशलाई लाग्यो’
काठमाडौँ : नेपाल प्रहरीका प्रवक्ता दिनेश आचार्यले प्रहरीको लागुऔषध नियन्त्रण ब्युरोको कार्यालय जलाउनेसँगै आगजनी र लुटपाटको घटना भएपछि नियन्त्रणमा लिन प्रहरीले गोली चलाउँदा रेविका खत्री र दिनेशलाई गोली लागेको दाबी गरे।
कोठामा जानेक्रममा यी दुबैलाई गोली लागेको थियो। दुवै जना उपचारका लागि अस्पतालमै छन्। बुधवार आयोजित पत्रकार सम्मेलनमा उनले प्रहरीले अनावश्यक रूपमा बल प्रयोग नगरेको दाबी गरे। उनले प्रहरीले कार्यक्रम बिथोल्न नभई आपराधिक गतिविधि नियन्त्रण गर्न बल प्रयोग गरेको दाबी गरे।
सञ्चारकर्मीले दिनेश र रेविकालाई गोली लागेको विषयमा प्रश्न सोध्दा उनले पाँच बजेको समयमा ठूलो लुटपाटको घटना भएको र गाडी जलाएको अवस्था भएकाले नियन्त्रणमा लिन गोली चलाउँदा रेविकाको तिघ्रामा गोली लागेको बताए।
सम्बन्धित समाचार
चैत २०, २०८१ बुधबार १९:२१:२९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए ukeraanews@gmail.com मा पठाउनु होला।
