सेयर बजारमा सकारात्मक बाटोमा, २३ अंकको वृद्धि
काठमाडौँ : नेपाल स्टक एक्सचेन्ज (नेप्से) परिसूचकमा बुधवार दोहोरो अङ्कको उल्लेखनीय वृद्धि देखिएको छ। परिसूचक २३.८६ अङ्कले बढेर २,७००.०४ को बिन्दुमा पुगेको छ।
बुधवारको कारोबारमा ३१८ कम्पनीका १,०४,४२,६८३ कित्ता शेयर खरिदबिक्री भएका छन्। कुल ५३,८८४ पटक कारोबार हुँदा ५ अर्ब ४४ करोड ४४ लाख ३५ हजार ९०१ बराबरको कारोबार भएको छ।
कारोबारमा अधिकांश समूहको उपसूचकमा वृद्धि भयो। विशेष गरेर व्यापार समूह (९.४४%) र वित्त समूह (३.१२%) वृद्धि भयो। उत्पादन तथा प्रशोधन र निर्जीवन बिमा समूहमा गिरावट आयो। सेन्ट्रल फाइनान्स कम्पनी लिमिटेडमा सकारात्मक सर्किट लाग्यो। बोटलर्स नेपाल (बालाजु) लिमिटेडको सेयर मूल्यमा नकारात्मक सर्किट लाग्यो।
चैत २०, २०८१ बुधबार १५:५५:४६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
