धुवाँ र डढेलोले बिग्रियो काठमाडौँको वातावरण, वायु प्रदूषणमा विश्वकै दोस्रो नम्बरमा

काठमाडौं : वायु प्रदूषण मापनमा काठमाडौं उपत्यका विश्वमै दोस्रो स्थानमा परेको छ। मंगलबार काठमाडौं विश्वकै पहिलो स्थानमा थियो। बुधवार सुधार भए पनि दोस्रो स्थानमा परेको हो।

‘एयर क्वालिटी इन्डेक्स’ का अनुसार बुधवार प्रदूषणको दृष्टिले भारतको राजधानी नयाँ दिल्ली पहिलो स्थानमा छ।

इन्डेक्सका अनुसार बुधवार बिहान ७ : २५ बजेको मापनअनुसार काठमाडौँको समग्र वायु गुणस्तर सूचकाङ्क एक्यूआई २४९ छ। प्रदूषणमा पहिलो स्थानमा रहेको भारतको राजधानी दिल्लीको वायु प्रदूषण एक्यूआई ३५३ छ।

वायु प्रदूषणको दृष्टिले तेस्रो स्थानमा पाकिस्तानको लाहोर छ। त्यहाँको वायुको एक्यूआई १७८ छ। 

लामो समयदेखि पानी नपर्दा काठमाडौँको आकाशमा थुप्रिएको धुलो र उपत्यका आसपासका विभिन्न जंगलमा लागेको डढेलोको धुवाँको कारण काठमाडौं उपत्यकामा वायु प्रदूषणको मात्र उच्च हुँदै गएको छ।

चैत २०, २०८१ बुधबार ०९:०१:४३ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।