दिपल ईभी अब १३ लाख ९९ हजार डाउन पेमेन्टमै
२ दिन अघि
काठमाडौं : नेपाली ईभी प्रेमीहरूका लागि प्रिमियम इभीको पहुँचलाई अझ धेरै सहज बनाउन नेपालका लागि दिपल ईभीको आधिकारिक बिक्रेता एमएडब्लु वृद्धि अटोकर्पले आकर्षक न्युनतम् डाउन पेमेन्ट स्किम घोषणा गरेको छ।
‘एसिलेरेट इन्टु द फ्युचर’ नाम दिइएको यो स्किमले स्टाइलिस र टेक्नोलोजिकल्ली एड्भान्स्ड दिपल ईभी खरिद गर्ने प्रक्रियालाई निकै सहज बनाउने छ। यो स्किमअन्तर्गत अब दिपलका ईभीहरू मात्र २० प्रतिशत डाउनपेमेन्टमा खरिद गर्न सकिनेछ।
दिपलको प्रिमियम ईभीहरु एल०७ लाई मात्र १३ लाख ९९ हजार रुपैयाँ, एस०७ १४ लाख ९९ हजार रुपैयाँ र एस०७एल मात्र १६ लाख ९९ हजार रुपैयाँ डाउनपेमेन्ट गरी आफ्नो बनाउन सकिनेछ।
यसका अलावा, ग्राहकले फ्लटिंग बेसिसमा ८.९९ प्रतिशत ब्याजदरमा सात वर्षको सवारी कर्जाको उपभोग गर्न पाउनेछन्।
ग्राहकले फ्युचरिक दिपललाई आफ्नो बनाउन आफ्नो फाइनान्सिङ पार्टनर एमएडब्लु हायर एन्ड पर्चेजमार्फत मात्र दुई दिनमा सवारी कर्जा पास गर्न व्यवस्था एमएडब्लु वृद्धिले गरेको छ। यो स्किम काठमाडौं नक्सालस्थित मुख्य सोरुम लगायत देशभरका डिलरहरूमा समेत लागू हुन्छ।
यो स्किमलाई अझै आकर्षक बनाउन एमएडब्लु वृद्धिले ग्राहकलाई ७ किलोवाट र ३ किलोवाटको चार्जर, अटो प्लस इन्स्योरेन्स, रोड ट्याक्स र अन्य एसेसोरिजहरू गरी दुई लाख रुपैयाँसम्मको थप सुविधाको पनि व्यवस्था गरेको छ। यो अफर चैत्र ८ गतेदेखि १५ दिनका लागि लाग हुनेछ।
आफ्नो कटिंग एड्ज डिजाइन, फ्युचरिस्टिक टेक्नोलोजी र अतुलानीय ड्राइभिङ एक्सपिरियन्सका कारण नेपालमा सार्वजनिक भएको छोटो समयमै दिपलले आफूलाई स्टाइल र स्टेटस सिम्बोलका रुपमा स्थापित गर्न सफल भएको छ।
हालसम्म नेपालमा आठ सयभन्दा बढी दिपल ईभी डेलिभरी भइसकेका छन्। यसको डिजाइन र टेक्नोलोजीबाट ग्राहक निकै सन्तुष्ट छन्।
चैत १०, २०८१ आइतबार १३:५९:५४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
