इजरायली आक्रमणपछि हमासले जवाफी कारबाही, तेल अभिभमा तीन वटा मिसाइल प्रहार

एजेन्सी : हमासले इजरायलको तेल अभिभमा तीनवटा रकेट प्रहार गरेको बताएको छ।

इजरायलले गाजामा आफ्नो सैन्य आक्रमण पुनः सुरु गरेपछि हमासको यो पहिलो प्रतिशोधात्मक आक्रमण हो।

यद्यपि, इजरायलले ती तीनवटा क्षेप्यास्त्रमध्ये एउटालाई रोकेको र बाँकी क्षेप्यास्त्रहरू कोही पनि नबस्ने ठाउँमा खसेको बताएको छ।

हमासद्वारा सञ्चालित गाजा स्वास्थ्य मन्त्रालयका अनुसार मंगलबारदेखि इजरायलले पुनः युद्ध सुरु गरेदेखि कम्तीमा ५९१ जनाको मृत्यु भइसकेको छ, जसमा २०० भन्दा बढी बालबालिका पनि समावेश छन्।

इजरायली सेना (आईडीएफ) ले बिहीबार प्यालेस्टिनी क्षेत्रमा स्थलगत कारबाही सुरु गरेको बताएको छ।

जनवरीमा इजरायल र हमासबीच युद्धविराम सुरु भएदेखि ठूलो मात्रामा सैन्य कारबाहीबाट केही राहत मिलेको थियो, तर यी आक्रमणहरू पछि अवस्था सामान्यमा फर्किरहेको देखिन्छ।

इजरायलले हमासले अझै पनि ५९ जनालाई बन्धक बनाएको बताएको छ, जसमध्ये २४ जना जीवित रहेको अनुमान गरिएको छ।

चैत ८, २०८१ शुक्रबार ०८:१९:५३ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।