४३ करोड ७७ लाख खर्चमा मुहार फेरिँदै छ टीयू क्रिकेट मैदानको

काठमाडौँ : प्यारापिट निर्माणका लागि ४३ करोड ७७ लाखमा ठेक्का लागेको छ कीर्तिपुरस्थित टियु क्रिकेट मैदानको प्यारापिट बढाउने काम धमाधम भइरहेको छ। बिकेओआई-केसीडिसी–बिजी जेभीले क्रिकेट मैदान निर्माणको काम पाएको थियो।

त्यही मैदानमा फ्ल्ड लाइड जडान गर्न २७ करोड ४० लाख रुपैयाँमा अर्को ठेक्का लागेको थियो। पहिला मैदानसहितको निर्माणको काम सकिएपछि लाइट जडानको काम सुरु गर्ने तयारी देखिन्छ।

प्यारापिटको निर्माणको काम आगामी वैशाख अन्तिम सातासम्म काम सक्ने लक्ष्य सहित निर्माणको काम शुरु भएको हो। फ्लडलाइट जडानको ठेक्का ललितपुरको गुसिंगलस्थित विशाण-ईश्वरी जोइन्ट भेन्चरले पाएको थियो। यसको काम भने शुरु भएको छैन।

आईसीसी क्रिकेट विश्वकप लिग टु मा नेपालले १२ मध्ये ११ खेल जितेर एकदिवसीय अन्तर्राष्ट्रियको मान्यता जोगायो। अनि विश्वकप छनोटमा स्थान बनाएपछि सरकारले त्रिवि क्रिकेट मैदानमा फ्लड लाइट जडान गर्ने घोषणा गरेको थियो। 

फागुन २७, २०८१ मंगलबार २२:१४:२० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।