वुमान्स डे कपमा आज नेपाल र युगाण्डाको महिला टोली भिड्दै
काठमाडौं : युगाण्डामा सुरू भएको चार देश सम्मिलित वुमन्स डे कपको आजको पहिलो खेलमा नेपाल घरेलु टोली युगाण्डाविरुद्ध भिड्दैछ।
खेल दिउँसो पौने १ बजेदेखि सुरू हुने नेपाल क्रिकेट संघ क्यानले जनाएको छ।
शनिबार भएको पहिलो खेलमा नेपाल नामिबियासँग पराजित भएको थियो। युगाण्डाले भने शनिबार हङकङलाई हराएको थियो।
आईसीसीको महिला टी-२०आई वरियतामा नेपाल २१औं, हङकङ २२औं, युगाण्डा १८औं र नामिबिया १७औं स्थानमा छन्।
नेपालले यसपछि भोलि फागुन २६ मा हङकङसँग खेल्नेछ। त्यस्तै फागुन २८ मा नामिबियासँग, २९ मा युगाण्डासँग र ३० मा हङकङसँग खेल्नेछ।
यी सबै खेलहरू सकिएपछि चारमध्ये शीर्ष २ मा हुने टोलीले फाइनल खेल्ने छन् भने बाँकी दुई टोलीले तेस्रो स्थानको लागि प्रतिस्पर्धा गर्नेछन्।
फागुन २५, २०८१ आइतबार ०८:१४:०५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
