क्यानले अर्को महिना ‘नेशनल टी२० च्याम्पियनसिप’ आयोजना गर्दै
काठमाडौं : नेपाल क्रिकेट संघ (क्यान)ले अर्को महिना ‘नेशनल टी२० च्याम्पियनसिप’ आयोजना गर्ने भएको छ।
शनिबार वार्षिक क्याान्डेर सार्वजनिक गरेको क्यानले अप्रिल महिनामा टी२० च्याम्पियनसिप आयोजना गर्न लागेको हो।
क्यानको टोलीको फरम्याट कस्तो हुने र कति टोली सभागी हुने भन्नेबारे कुनै जानकारी दिएको छैन।
यद्यपि प्रधानमन्त्री कप लगत्तै हुने भएकाले यसमा पनि सात प्रदेश र तीन विभागीय टोली गरी सात टोलीको सहभागी हुने आँकलन छ।
यसका आवावा क्यानले मे महिनामा नेपाल ए टिमको सिरिज आयोजना गर्दैछ भने जुनमा नेपाल प्रिमियर लिग (एनपीएल)का खेलाडी रिलिज र रिटेन हुनेछ।
अगस्टमा एपीएलको मिनि अक्सन गर्न लागेको क्यानले सेप्टेम्बरमा नेपाल ‘ए’ टोलीको भारत वा बंगलादेश टुरको पनि तयारी गरेको छ।
साथै टोलीले अक्टोबरमा प्रादेशिक प्रतियोगिता र नोभेम्बरमा नेपाल प्रिमियर लिगको आयोजना गर्ने भने डिसेम्बरमा महानगरपालिका कप तय गरेको छ।
फागुन २४, २०८१ शनिबार १२:५२:४५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
