नेपाली राष्ट्रिय पुरुष क्रिकेट टोलीले सेप्टेम्बरमा फुल मेम्बर टोलीसँग टी२० सिरिज खेल्ने
काठमाडौं : नेपाली राष्ट्रिय पुरुष क्रिकेट टोलीले सेप्टेम्बरमा आईसीसी पूर्ण सदस्य (फुल मेम्बर) राष्ट्रसँग टी२० सिरिज खेल्ने भएको छ।
नेपाल क्रिकेट संघ क्यानले वार्षिक क्यालेन्डर सार्वजनिक गर्दै आगामी सेप्टेम्बरमा युएईमा पूर्ण सदस्य राष्ट्रसँग टी२० सिरिज खेल्ने जानकारी दिएको छ। यद्यपि उसले टोलीको नाम भने समावेश गरेको छैन।
यसका अलावा नेपाली पुरुष टोलीले ९ देखि १३ अप्रिलसम्म हङकङमा चार देश सम्मिलित टी२० सिरिज हुँदैछ।
मे महिनामा बेलायतको प्रि टुरमा रहने टोलीले जुनमा स्कटल्यान्ड, नेपाल र नेदरल्यान्ड्स सम्मिलित आईसीसी क्रिकेट विश्वकप लिग२ का खेलहरु खेल्नेछ।
लगत्तै टोलीले स्कटल्यान्डमा टी२० सिरिज खेल्नेछ। जुलाईमा टी२० विश्पकपको तयारीका लागि श्रीलंका जाने टोलीले अगस्टमा यसकै तयारीका लागि भारत र अष्ट्रेलिया जाने योजना बनाएको छ।
अक्टोबरमा ओमानमा हुने टी२० विश्वकप छनोटमा सहभागी हुने टोलीले सोही महिना युएईमा युएई, नेपाल र युएसएबीचको लिग २ का प्रतियोगिता खेल्नेछ।
नोभेम्बरमा हङकङ सिक्समा सहभागी हुने पुरुष क्रिकेट टोली डिसेम्बरमा नेपालमै ओमानसँग दुई ओडिआई खेल खेल्नेछ। सोही महिनामा ओमान, नेपाल र युएई सम्मिलित लिग २ का खेलहरु हुनेछन्।
फागुन २४, २०८१ शनिबार १२:२९:२६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
