शहीद स्मारक बी डिभिजन लिगको तयारी पूरा, ९१ खेल, तीन करोड खर्च

काठमाडौं : अखिल नेपाल फुटबल संघले भोली शनिवारदेखि सुरु हुने शहिद स्मारक बी डिभिजन लिग २०८१ को सम्पूर्ण तयारी पूरा भएको जनाएको छ। 

शुक्रवार काठमाडौँमा पत्रकार सम्मेलनको आयोजना गरी एन्फाले शनिवारदेखि दशरथ रङ्गशालामा शहिद स्मारक बी डिभिजन लिग २०८१ को सम्पूर्ण तयारी पूरा भएको जानकारी दिएको हो। 

एन्फाका अनुसार प्रतियोगितामा सिहगल राउन्ड रोबिनका आधारमा कुल ९१ वटा खेलहरू सञ्चालन हुनेछन्। प्रतियोगिताको खेलहरू त्रिपुरेश्वरस्थित दशरथ रङ्गशालामा र सातदोबाटोस्थित एन्फा कम्प्लेक्स सातदोबाटोमा खेलाइनेछ।

प्रतियोगितामा देशभरका १४ क्लबहरू सहभागी छन्। आरसिटी, श्री भगवती , टुसाल यूथ, ब्रिगेड व्वाइज, ब्वाइज युनियन , मध्यपुर यूथ, च्यासल यूथ, श्री कुमारी, बाँसबारी, नयाँ बस्ती , सरस्वती यूथ, वीरगन्ज युनाइटेड, झापा फुटबल र प्लानिङ व्याइज युनाइटेड लिगमा सहभागी छन्।

प्रतियोगितामा प्रथम पुरस्कार १५ लाख, द्वितीय पुरस्कार  १० लाख, तृतीय पुरस्कार ५ लाख, फेयर प्ले टिम १ लाख, उत्कृष्ट खेलाडी  १ लाख,उत्कृष्ट गोलकिपर ५० हजार ,सर्वाधिक गोलकर्ता  ५० हजार र प्लेयर अफ द म्याच ७ हजार ५ सय रहेको छ। 

प्रतियोगिताको कुल बजेट ३ करोड ९३ लाख रहेको आयोजकले जानकारी दिएको छ।

फागुन २३, २०८१ शुक्रबार १७:१५:१८ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।