तनहुँमा एक सय ४० मेगावाट विद्युत् खेर जाने जोखिम
दमौली : तनहुँको ऋषिङ गाउँपालिका-१ झापुटारमा निर्माणाधीन तनहुँ जलविद्युत् आयोजनाको एक सय ४० मेगावाट विद्युत् खेर जाने जोखिम बढेको छ।
आयोजनाको भूमिगत विद्युत्गृहभित्रको काम सकिने चरणमा रहँदा प्रसारण लाइन निर्माणमा ढिलाइ हुँदा एक सय ४० मेगावाट विद्युत् खेर जाने जोखिम बढेको हो।
आयोजनाको प्याकेज २ अन्तर्गत अहिले विद्युत्गृहमा इलेक्ट्रोमेकानिकल काम जारी रहेको आयोजना प्रमुख श्यामजी भण्डारीले जानकारी दिए।
‘हेडरेस टनेल खनेरपेनस्टक पाइप जडान, वेल्डिङ तथा कङ्क्रिटिङ भइरहेको छ,’ उनले भने, ‘प्याकेज २ मा हालसम्म ६६ प्रतिशत भौतिक प्रगति भएको छ।’
प्याकेज ३ अन्तर्गत प्रसारण लाइन निर्माणमा भने खासै प्रगति भएको छैन। वन क्षेत्रका कारण विलम्ब भएको आयोजना प्रमुख भण्डारीको भनाइ छ।
फागुन २२, २०८१ बिहीबार ११:१९:३८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
