दक्षिण अफ्रिकालाई ५० रनले हराउँदै न्युजिल्याण्ड तेस्रो पटक च्याम्पियन्स ट्रफीको फाइनल
काठमाडौं : दोस्रो सेमिफाइनलमा दक्षिण अफ्रिकालाई ५० रनले पराजित गरेसँगै न्युजिल्याण्ड तेस्रो पटक च्याम्पियन्स ट्रफीको फाइनलमा पुगेको छ।
टोलीले यसअघि २००० र २००९ मा च्याम्पियन्स ट्रफीको फाइनल खेलेको थियो। टोली अब दोस्रो पटक उपाधि जित्ने उद्देश्यका साथ प्रवेश गर्नेछ।
बुधबार लाहोरको गद्दाफी रंगशालामा न्युजिल्याण्डले ब्याटिङ गर्ने निर्णय गरेको थियो। टोलीले ६ विकेट गुमाएर ३६२ रन बनायो।
जवाफमा दक्षिण अफ्रिकाले ९ विकेट गुमाउँदै ३१२ रन मात्र बनाउन सक्यो। डेभिड मिलरले शतक प्रहार गरे। तर त्यो जितका लागि पर्याप्त भएन।
जितसँगै न्युजिल्याण्डले अब आगामी आइतबार भारतसँगको उपाधि भिडन्त गर्नेछ। खेल युएईको दुबई क्रिकेट स्टेडियममा हुनेछ।
फागुन २२, २०८१ बिहीबार ०७:४०:१७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
